ديالوج : اعلاش اتلومي عليا ؟
ــــــــــــــــــــــــــــــــــــــــــــــــــ
كلمات الشاعر : أحمد الحريري
لحن الموسيقار : هاشم الهوني
أداء : هاشم الهوني و المطربة المصرية ليلى جمال
ــــــــــــــــــــــــــــــــــــــــــــــــــ ـــــــــــــــــــــــ

ليلى جمال : أنت قلبك لعّاب
هاشم الهوني : قولي راهو ذاب
ليلى جمال : و اعلاش اتعذب فيا ؟
هاشم الهوني  : موش بيدي يا ضي عينيا
ليلى جمال : ما ريتكش أيام عدن كيف العام
حتى مرايتي نسيتها و جدايل شعري خليتها
لا مشطة و لا ريحة
هاشم الهوني  : حتى هكي امليحة

***

 

هاشم الهوني  : و حياتك مشغول و ياسرني ( يكفيني ) الملام
ليلى جمال : ابغيري مشغول ؟
هاشم الهوني  : لا لا و الله
ليلى جمال : يعني موش مشغول ؟
هاشم الهوني : لا لا لا و الله
ما اتكونيش اعنيدة
ليلى جمال : قولي وين رحت ؟ و وين مشيت ؟
و مدة ما طليت
هاشم الهوني  : مشغول ابفرحتنا و اهوانا و لمتنا
على دارنا بنعول
ليلى جمال : اعلاش ما اتقول م الأول ؟

***

 

دويتو : دارنا يا دارنا
انشوفو فيك اصغارنا
و انعيشو أيام اهنية
مع فرحة أيامنا الجاية
الله ايخليك ليا
ـــــــــــــــــــــــ
 
التعليق : قد يظن البعض أن هذا العمل هو دويتو ، و هذا غير صحيح ، فهو يمضي في معظمه كديالوج ، و لكن في أخر كوبليه يتحول إلى دويتو ، عموماً فإن الفنان " هاشم الهوني "  فنان كبير و كان له مشروع حداثوي بارز في الأغنية الليبية .

ــــــــــــــــــــــــــ
 
إعداد : زياد العيساوي